Rakočević je u dopisu predsjedniku partije Damiru Šehoviću naveo da podnosi ostavku na sve partijske funkcije koje trenutno obavlja – predsjednika Odbora glavnog grada, člana Predsjedništva Socijaldemokrata, kao i člana GO i Opštinskog odbora Glavnog grada.

“Ostavku podnosim iz ličnih razloga. Ostajem član partije, koji će se uvijek boriti za socijaldemokratsku ideju i istinske vrijednosti koje ona nosi sa sobom, kao i za našu državu Crnu Goru, samo iz neke druge pozicije. Želim vam svaku sreću u budućoj borbi na očuvanju temeljnih vrijednosti za koje se od osnivanja zalažemo, kao i u borbi za očuvanje naše jedine Crne Gore. Da je vječna”, napisao je Rakočević u ostavci.