Vučić: Đukanoviću se priviđaju različite stvari, nećemo dozvoliti da se Srbi šikaniraju

“Priviđaju mu se različite stvari, samo nek nastavi tako, ima on pametnija posla nego da se bavi Srbijom”, naveo je Vučić.

Predsjednik Srbije nije htio da komentariše političku krizu u Crnoj Gori.

“Nisam se bavio situacijom u Crnoj Gori, to je pitanje za jednu drugu državu i oni se time bave. Ali Đukanovićev pristup koji je uvijek izrazito antisrpski, na svakom mjestu ću da osudim. Njegove izmišljotine, brutalne laži o uticaju Srba i Srbije, i o tome da su Srbi narod sa malignim uticajem, zajedno sa Rusima, protiv toga ću da se borim uvijek”, kazao je Vučić.

On je poslao poruku crnogorskom predsjedniku.

“Đukanović mora jednu stvar da zna – uvijek ću da štitim srpski narod i uvijek ću da branim Srbiju i znam koliko to opasnosti nosi. Ja alternativu nemam, imam jednu zemlju i jedan narod kom pripadam”, naglasio je Vučić.

“Oni koji se izjašnjavaju kao Crnogorci nama nisu ništa krivi, oni su naša braća, ali nećemo da dozvolimo da šutirate i šikanirate srpski narod”, dodao je Vučić.