Anđelka Prpić sprema tajno vjenčanje

Glumica je vjenčanje sa nesuđenim kumom svog bivšeg supruga planirala već neko vrijeme, te je sve ubrzala kad je saznala da je u blagoslovenom stanju i da će se uskoro opet ostvariti kao majka, piše Kurir.

“Anđelka nema nikakvih prepreka da ponovo stane na ludi kamen. Ona je zakonski razvedena, pa samim tim je i slobodna žena. Kada je saznala da je trudna, ona i Marko su se dogovorili da se vjenčaju u skorije vrijeme i da to urade u tajnosti jer su im preko glave natpisi u medijima, skečevi i šale na njihov račun na društvenim mrežama. Osim toga, njenom partneru jako smeta što se ona i dalje preziva Prpić, pa su se dogovorili da na vjenčanju uzme njegovo prezime”, ispričao je izvor blizak glumici.

Prema njegovim riječima, Anđelka se uveliko priprema da stane pred matičara, dok je pitanje da li će se na vječnu ljubav zavjetovati i u crkvi.

“Oni se uveliko pripremaju za taj dan i sve detalje drže u strogoj tajnosti kako mediji ne bi izvještavali sa ovog događaja. Dan prije toga će kumovi znati gdje će biti obavljeno vjenčanje, i to je to”.

Glumica je i odlučila da progovori o aferi u kojoj se našla, kad je kao bomba odjeknula vijest da čeka dijete sa najboljim prijateljem svog bivšeg muža.

“Mislim da se normalan čovjek ne navikava na te stvari. Zašto bi se navikao na ružno i primitivno? I ne želim sebi da se naviknem na to. Ali, s druge strane, nije stvar da ne vidimo od drveta šumu. Sad sam tema ja, sjutra ćeš biti ti, nego je stvar poremećenog kompasa i sistema vrijednosti”, objasnila je ona.