Manekenka tužlila Aksl Rouza zbog navodnog seksualnog napada: “Nisam pristala, vezao me je”

Kenedi je podnijela tužbu protiv Rouza, u kojoj tvrdi da ju je vezao i imao seks sa njom tokom žurke 1989. godine.

Prema dokumentima do kojih je došao TMZ, Kenedi je rekla da je upoznala Aksla u klubu u Njujorku u februaru 1989. godine i da je bila na privatnoj žurci u njegovom apartmanu u hotelu, gdje je, kako tvrdi, bila gomila ljudi koja se drogirala.

Dalje se tvrdi da je Rouz krenuo da joj se udvara, što joj je u početku bilo prihvatljivo, dok se soba nije ispraznila, tako da je ostala samo još jedna manekenka. Kenedi ističe da je vidjela kako je Rouz imao “agresivan seksualan odnos” sa drugom manekenkom prije nego što je otišla u drugu sobu sa njegovim prijateljem, a onda su se “stvari pogoršale”.

Kako tvrdi, Rouz ju je povukao za kosu u krevet, vezao joj ruke hulahopkama i seksualno je napastvovao. Kenedi je rekla da nikad nije pristala na seks i osjetila se nadjačano dok se sve to dešavalo. Nakon toga, rekla je da je izašla u šoku, a onda su uslijedili anksioznost i depresija. Tvrdi da je njenom ljubavnom životu bila nanijeta šteta i da sada traži odštetu.