Mještani blokirali saobraćaj u Gornjoj Gorici i prijete radikalizacijom: Traže ležeće policajce i kružni tok

Riječ je o ukrštanju ulica Ličke i Kosmajske. Mještani zahtijevaju da u njihovom naselju budu postavljeni ležeći polcajci, ali i da bude formiran kružni tok.

Ukoliko se to ne dogodi, najavljuju radikalizaciju protesta, pri čemu ističu kako niko od nadležnih do sada nije uradio ništa na rješavanju problema sa kojim su suočeni, iako su im se obraćali.

“Imamo proteste svakodnevno jer smo očekivali da će se nešto riješiti. Ovo je crna tačka u gradu. Svakodnevno smo izloženi rizicima, što za nas, što za djecu. Sa bulevara se nemoguće uključiti. Svjedoci smo da je ovaj bulevar jednom otvoren, ne znamo šta je otvoreno s obzirom da smo svi svjesni da nije završen jedan dio saobraćajnice”, kazao je jedan od učesnika protesta, a prenosi Dan.