Tri sestre Mićalović pozirale sa majkom: “Blago majci kakve vas je rodila”

Iako su sestre Mićalović najtraženije dramske umjetnice posljednjih nekoliko godina, Mirjana nije odabrala glumu za životni poziv.

Ona je odlučila da svoju karijeru gradi daleko od javnog života, a koliko su bliske, te da su naslijedile ljepotu od njihove majke Milice, pokazuju fotografije koje objavljuju na društvenim mrežama.

Nismo skoro bili u prilici da ih vidimo na okupu, a sada su zablistale na premijeri filma “Jorgovani” u kom Sloboda igra glavnu žensku ulogu.

“Zauvijek najveća podrška. Bravo, Bojka moja”, napisala je najstarija sestra Mićalović u opisu fotografije.

“Blago majci kakve vas je rodila”, “Poslije 7 godina, na istom mjestu ista podrška i ljubav”, “Nešto najljepše”, “Divni” – samo su neki od komentara ispod objave.

Podsjetimo, Milica se za razliku od svog pokojnog supruga Dragana, koji je bio veliko ime u svijetu glume, ne bavi javnim poslom.

Inače, Sloboda Mićalović zablistala je na premijeri filma “Jorgovani” u kojem igra glavnu žensku ulogu.

Glumica se u MTS Dvorani, na premijeri u okviru 52. FEST-a, pojavila u dugoj, elegantnoj crnoj haljini, sa romantičnom frizurom i šminkom u prirodnim nijansama koja joj je savršeno “legla”.

Sa osmijehom je pozirala sa filmskim partnerom u “Jorgovanima” Ivanom Bosiljčićem, a kasnije i sa najvećom podrškom, suprugom Vojinom Ćetkovićem.

“Vjerujem u ovaj film”, rekla je Sloboda Mićalović medijima, te pohvalila kolegu Ivana Bosiljčića.

“Meni je zadovoljstvo s njim da radim uvijek. On je toliko predivan kolega, duhovit, prije svega talentovan”, istakla je glumica, prenosi Telegraf.