Nisu pahuljice i voće: Ovo je najzdraviji doručak na svijetu

Istraživanja koja su obuhvatila prehrambene navike 48 mališana, ne starijih od 10 godina, pokazala su kako djeca koja ujutru jedu jaja za ručak unesu 70 kalorija manje od onih koji, na primjer, doručkuju ovsenu kašu.

Nutricioniste koji su sprovodili istraživanje nije iznenadilo to što su se baš jaja pokazala najboljim odabirom za doručak djeteta.

Ono što nisu mogli da objasne bilo je da se djeca nisu osjećala sitijima, jer su jela jaja, a ne, na primjer, mlijeko ili griz. Da jesu, to bi objasnilo zašto su jeli manje za ručak.

“Očekivali smo kako će jesti manje za ručak jer se osjećaju izrazito sitima, budući da su pojeli doručak bogat proteinima. Međutim, to nije bio slučaj”, rekla je nutricionistkinja Tanja Kral.

Ovo istraživanje usmjereno je na pronalaženje onih namirnica koje djeci umanjuju osjećaj gladi, istovremeno pomažući im da smanje unos kalorija.